وادى خليل

منتدي ابناء وادي خليل
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 عبر المسافات البتصرع كل ميل سكة رحيل

اذهب الى الأسفل 
كاتب الموضوعرسالة
كابتن عمر



عدد الرسائل : 115
تاريخ التسجيل : 14/09/2008

مُساهمةموضوع: عبر المسافات البتصرع كل ميل سكة رحيل   17th سبتمبر 2008, 19:52

نحن البينا بينا وبينا بينا المستحيل

عبر المسافات البتصرع كل ميل
عبر المدائن والمتاهات والزمن والأماني الغالية والحلم الجميل

لا ودرك مني البعاد والدنيا في سكة رحيل
لا جيتي خاطري عشان أجيك بي لهفة الريد النبيل

وأنا في سجون ريدك دوام أبد الأوابد ليك نزيل
لا قادر إنتظرك شجون لا إخترت من غيرك بديل


كيفن تفوتي نهار عشم وإتوسدك مأساتي ليل
ما طال ما طالك أمل والباقي من دربك طويل ؟!

خليهو فيكي الإنكسار وإتقبلي الشكر الجزيل
وآ ضيعة القلب الهواك وآ حسرة الريدة القبيل

آمالي لو ماتت تواه تأويني في قلبك عليل
خليني أمشي على السراب الرجعة امست مستحيل

أحزاني زادتني إكتئاب وجسيمي يتلاوح نحيل
يامانعة أنسامك تمر كيف غصون ريدك تميل

ياسارية في دمعة بكاي أقربلي من قلبك سهيل
ياناطقة بي عشقك سكات .. ويراعي بي صمتك كفيل

يارايعه زي وعد الرزاز الشال ويوم لاقى النخيل
بين التقانت والضفاف والنيل مقاسمو السلسبيل

هادنت أطيافك دموع شديت يقيني سرجتو خيل
خيمت .. وجدان الأسف شداني للأحزان صهيل

من خيل معاناتي المعاك والباكيه اتلاقت صليل
إتعمقّت وجداني هم معذورة جافاها الخليل

ياغُرة العين السواد ياربة الخد الأسيل
يا منبع التيه والدلال يا ناعسة الطرف الكحيل

فوق ضلك الرامي إنتظار يا وجعه خليتو المقيل
خليتو حبك لو هواك خلاني بي وعدك ذليل !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تباريح الهوى

avatar

عدد الرسائل : 648
تاريخ التسجيل : 09/09/2008

مُساهمةموضوع: رد: عبر المسافات البتصرع كل ميل سكة رحيل   18th سبتمبر 2008, 19:25


الامل يوم باكر في جواه خوف محفوف بالمخاطر
وانا ما قادر اجابه وامشي عكس التيار واخاطر
خايف امشي واسير في المشوار ويقولو زول مشاتر..
يا ولد انت من وين والله انت قمة الابداع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عبر المسافات البتصرع كل ميل سكة رحيل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وادى خليل :: منتدي الشعر والشعراء-
انتقل الى: