وادى خليل

منتدي ابناء وادي خليل
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 حقك علي طالب السماح

اذهب الى الأسفل 
كاتب الموضوعرسالة
كابتن عمر



عدد الرسائل : 115
تاريخ التسجيل : 14/09/2008

مُساهمةموضوع: حقك علي طالب السماح   25th سبتمبر 2008, 16:59

حقك علي .. واللوم علي ..
طالب السماح والمعذرة ..
صفيلي قلبك بالرضا .. والعفو عند المقدرة
**
لما الحزن فاض بي ودفق .. والهم طواني واعترى
غير قصد اني جنيت عليك .. ولساني زلّ وافترى
غامرني احساس بالندم .. مسخ حياتي وكدرا
في جوفي زي سماً زعاف.. بي غفلة يكتل بالضرا
***
الغنية مارقي من الضلوع .. أوزن ربابتي واطنبرة
ملياني بالاسف العميق .. عذب ضميري وفي سرى
عينيا اكتحلت أسى .. سهراني جافاها الكرى
دمعاتة تتجمد تقيف.. حد شوفها ما فات محجرا
يا المني شان خاطر وفاك أردع هواجسي وأزجرا
واتحاشا فيك لغو الكلام .. دايما خواطرك اجبرا
***
ما البيني والبينك .. متل حن السحاب الممطرة
البينا والبين الودي ..ما عمرها انفصمت عرى
رضياني ينشف ريقها من طول الرحيل والدردرة
من دمعها النخلة ارتوت ..واتمطقت طعم الترى
رضياني تفني وتنعدم مطعونة وسط الخاصرة
تتلوى تتحرقص برق .. شق البوادي ونورة
***
يا روحي قمرية هواك .. أنا لي تقاتي بدودرا
ولفتها ومديتلها بي كفي ...عيشة وسكره
لو وشوش الريح في الغصون بدد آمالها ونفرا
بي ريشة ريشة وبالصبر ..بابنيلة عشها في الضرة
***
بحق من خلق الجمال .. ورسم المحاسن صورا
انا رائي فيك نقا الوجود ...قدامي انت المنضرة
سواك الله مليكة فوق عرش القليب متحكرة
ختاك بين درر العفاف ..تتلالي في التاج جوهرة
***
انا ما بنتقص حنك علي .. لا يوم مشاعرك بانكره
حفظ الجميل والامتنان .. طبع النفوس الخيرة
اصلو المشاعر ما بتدوم ..لو عايشي بالغش والكرا
والريد دروب ما ب يتمشن .. لو خطوة الزول لا ورا
**
خطواتي لا قدام عليك .. ما اتعبها السير فترا
عجلاني لو تقدر تطير ليك .. كل ما الشوق تاورة
لو تاني يوم اغلط عليك .. بي كلمة جارحي مؤثرة
إن شاء الله ..يا نور العيون .. انا جرحي لا طاب لا برا
إن شاء الله .. يا نور العيون .. أنا جرحي لا طاب لا برا


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المحسي الاصيل

avatar

عدد الرسائل : 145
العمر : 27
الموقع : sudanna
تاريخ التسجيل : 20/08/2008

مُساهمةموضوع: رد: حقك علي طالب السماح   25th سبتمبر 2008, 19:49

حقك علي .. واللوم علي ..
طالب السماح والمعذرة ..
صفيلي قلبك بالرضا .. والعفو عند المقدرة


كلام جميل مشكوور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حقك علي طالب السماح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وادى خليل :: منتدي الشعر والشعراء-
انتقل الى: