ما سلامك - للشاعر عزمى احمدخليل

عدد الرسائل : 115 تاريخ التسجيل : 08/09/2008

ده مـا سـلامك ولا الكـلام الكان زمان هسع كلامك
ولا يـعـنى نويت تسيبنا وفى الخريف تحرم غمامك

جيــنا بـعـــد الـفـرقـة نـســأل قـلنا نلقى محنه عندك
نحكى ليك عـن ليل شقانا وعن متاهات نجمو بعدك
نـحـن سـالــمــنــاك بـطـيـبـة وياما بكت عيونا ردك
ولـيــه زمـان أديـتـنا ريده وجيت حرمتنا تانى ودك
وقـلـبـنـا الـجـرحـتــا خاطرو برضو ما قادر ملامك

كـنـا قـايــلــيــن بــى ورانــا إنـت زيــنا طارى ديمه
وكـنـا قـايـلـيــن نـحـن عـنـدك زى عـيونك لينا قيمه
قـلــنـا تـتـلــقـــانــا إنـت والــزهــور تـحـضن نسيمه
إلا ريــدك تــاري روّح وعــدي فـات زي كل غيمه
جـيـــنا لـيــك بـالإبـتـســامـة إلا مـا لـقـيــنـا ابتسامك

جـيـــنا شـايــلـيـن لـيك فرحنا كان عشمنا تزيدو حبه
تطرى ناس فاقدين عيونك وبي وراك ما خلوا غربه
قـلـنــا نـنـسـى تـعـب سـفــرنـا بـى لـيالى معاك أحبه
جـيـــنا مـا لـقـيــنـا فـى عــونك ذكرى ساكت للمحبه
شـلـنــا شـوقـنــا رجـعــنا بيهـو ما ندمنا على سلامك
0

عدد الرسائل : 648 تاريخ التسجيل : 09/09/2008

حبيبي تعال نرسم في الفضاء كرة الحب والغرام
وتعال نعلم الطيور كيف تنسج خيوط الفرح في الاحلام*
يا ولد يا حمودي دا كلو يجي منك لقيتك مسكون بالاحاسيس
النبيلة وننتظر منك اكتر