مالك مجافي الناس................ عبد الوهاب الصادق

مالك مجافي الناس عايش براك في غربه!؟
أنحنا ناس جيرانك قضينا عُشره وصحبه

من يوم سكنت قصادنا مالك بعيد ما بينا
لا بترعى حق الجار لا العيد بجيبك لينا
واصلنا وأدخل بيتنا عشان نجيك وتجينا
أصلو الصلات الطيبة واجب عليك وعلينا

من يوم سكنت الحي معانا ليك شهور
لا بتمرق لا بتجامل لابتقضي مره تشوف
وحتى الطيور بتوالي وتعيش وحيد مكسور

دايرين نوالفك نحنا وانت الولف مابيهو
الجار بخاوي الجار بإلفي ايدو والما في ايدو
الناس توالف الناس منو البعيش وحديهو
أنحنا ما قصرنا وانت العليك سويهو