وادى خليل

منتدي ابناء وادي خليل
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 يا مولاي .............. غناء الطمبور .. الجيلي الشيخ

اذهب الى الأسفل 
كاتب الموضوعرسالة
تباريح الهوى

avatar

عدد الرسائل : 648
تاريخ التسجيل : 09/09/2008

مُساهمةموضوع: يا مولاي .............. غناء الطمبور .. الجيلي الشيخ   31st أكتوبر 2008, 07:10

يا مولاي بشكيلك شقاي و غلبي حظي الديمة من ريدة الأنيس جافلبي
طالت السفرة و إتحفت مناسم تلبي هب الريد وعاودك الحنين يا قلبي

مالك نفسي مطعونة وتملي تنيني مالك عيني لي الغميد أبيتي تليني
عطشان ديما كفح الموية ما برويني كاتلاني الطريفية البريدا غريني

الناس عيدت مرقت علي أصحابا وأنا فريت علي الجاهلة السمح ترحابا
فاطرًا يحكي براق البدودي سحابة لفت قلبي زي لف طرحتا اللافحابا

ختت ايدا فوق ايدى انجزبت خدرت حبيت امشى من كتر الطرب ماقدرت
بقت الحنه بين ايدى وايديها ندرت لولا الحنّه بينى وبينا كنت ودرت

أخضر ليهو ضل فوقو المحاسن شرن وأفلج فاطرو زي برق السواري الكرن
يتقسم مقاطع في المشي و يتحرن زي فرخ القطا الأماتو ركّن و فرّن

يتمني الدهب لو لونو يشبه لونك إشتهت الدرر لو هي تبقي سنونك
مجنون ليلي حالتو أقل من مجنونك ما دام ليلي كانت في المحاسن دونك

عن من أحب أنا غير خاطري فرقت هايج بي غرام عن حالتي كلي سُرقت
لولا أدمعي من ناري كنت حرقت و لو ما ناري من كترت دموعي غرقت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا مولاي .............. غناء الطمبور .. الجيلي الشيخ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وادى خليل :: منتدي الشعر والشعراء :: كلمات الاغاني السودانية :: مكتبة الطمبور-
انتقل الى: