وادى خليل

منتدي ابناء وادي خليل
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 مأساتي .... قسم السيد عبد الرسول

اذهب الى الأسفل 
كاتب الموضوعرسالة
تباريح الهوى

avatar

عدد الرسائل : 648
تاريخ التسجيل : 09/09/2008

مُساهمةموضوع: مأساتي .... قسم السيد عبد الرسول   31st أكتوبر 2008, 07:21

انا الماساتي ما بتتقال بقيت احسب عميري الفات
عذب لا حفلة لا شبال لقيت الفات كتير وكتير
مرق لا زوجة لا اطفال
تراني فى مهب الريح مريكب لا فحها الشلال
بقيت مسحور عيونك ديل اتحجر بقيت تمثال
وافتش فى مكانك وين لقيتك فى قليبى هنا ....

انا الجرب مآسي الغي تعال شوف كيف حفن كرعي
وانا اتبشتنتا يا خلاي فوق درب الفريع الني
بقت لى مع العيون قصة مخلفة فوق جروحى الكي
خيالن مادوام نافر يحلق فى خلاهو الصي
ولا قادر افيق وارجع ولا قادر ادارى البي
واشوف غيمك انا العطشان واقول هسع يجيني الري
وفكر فى امور الحب وادور في ساقية غير معني ...

يا حليلى انا حليل ايام سعادتي معاك وكت
كان الزمن بسام يشاور لى دوام ضحاك
يضمنا كان هدوء الليل هو لا حس همسة لا كوراك
لقيت يا قلب زولك بعد وجعك لقيتو دواك
اتاريهو الزمن دولاب قسي ورجعني الف سنه ...

طريتا انا طريت السمحة بين اهلها
وكت تنزل وكت تطلع مع الحوب يجتمع شمِلها
تمد ايديها للمنقة تداعب للجريد قبلها
وماهماها زولا فات يقاسي الغربة من اجلها
ماخلاني ابتليت بي ريدها افتل فى حبال رمله
كمان خايف الجنون يحصل تفوت عقليتي بى قبلها
بوريكم مآسي غرامي عشتها وعمرى كان تمنها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مأساتي .... قسم السيد عبد الرسول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وادى خليل :: منتدي الشعر والشعراء :: كلمات الاغاني السودانية :: مكتبة الطمبور-
انتقل الى: