وادى خليل

منتدي ابناء وادي خليل
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 تبتبا تبتبا ..ك.محجوب شريف ..عقد الجلاد

اذهب الى الأسفل 
كاتب الموضوعرسالة
تباريح الهوى

avatar

عدد الرسائل : 648
تاريخ التسجيل : 09/09/2008

مُساهمةموضوع: تبتبا تبتبا ..ك.محجوب شريف ..عقد الجلاد   31st أكتوبر 2008, 19:50

تبتبا تبتبا تبتبا تبتب
باكر تعرف تقرا وتكتب وياما ترتب
نحنا بنحلم وكم نتمنى هي تحقق كل ما تحب
تبني حياتا الند بالند اي مكانة وخانة تسد
هدهدا هدهد كل الورد ينوم ويفرهد
زي عصفورة تطير وترك تحبا وتمسك وتاني تفك
سيبا تفكفك سيبا تلكلك عايزة تنطط
بكرة حترسم وياما تخطط بكرة حا يبنوا مدائن ضو
ما بيعكر صفو الجو صفارة حرب
تشطب من قاموس الدنيا الضرب الشك الخوف
ينعموا كم بالشم والشوف واغاني الحب
افتح بابك آمن تب
زي ما النهر بيلقى مصب اي حمامة بتلقى الحب
تلقى الورده الندى في الكم تلقى حداها جناها الام
يرضع صافي حليب الحب نقدل نحنا الجد والعم
تملا عيونا كهارب سد
باباً جاب الهم والزم والصد ينسد
نفرح لما ندمع جد مد البصر الامل يمتد
العمل يشتد البنا ينتم الغنا يمتد
هدهدا هدهد
اكتبي اكتبي الف المد حمام وسلام وسعادة بجد
اكتبي اكتبي ياء المد سرير وعصير وعبير ينشم
اكتبي اكتبي واو المد
حقول وعقول تقرا المجهول كتاب الغد
اكتبي علم وسلم لا حد يئن لاتسمع بم
لا ينزف دم لا يعجز رد لا يعجز طب
لا دمعه في خد
تبتب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تبتبا تبتبا ..ك.محجوب شريف ..عقد الجلاد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وادى خليل :: منتدي الشعر والشعراء :: كلمات الاغاني السودانية :: مكتبة عقــــــد الجلاد-
انتقل الى: