بتريد اللطام ... ك.. بت مشيمس

بتريد اللطام اسد الكداد الزام

هزي البلد من اليمن للشام

سيفك للفقر قلام

ديم فى الدقر قال العمير مسيوم

القوى والضعيف من عينو طار النوم

الكفر النجوس ما بختوا من اللوم

حجرت الدرب خليت طيورو تحوم

الاسد النتر بى جيهة الابقار

لمولو الاورط شايلين سلاح النار

ود حبوبة قام ورتب الانصار

فى كتفية ديك كم شبعن صغار


الاعلان صدر واتلمت المخلوق

بى عينى بشوف اب رسوة طامح فوق

ان جات بالمراد واليمين مطلوق

ما كان بنشنق ود اب كريق فى السوق


الاعلان صدر واتلمت الحلال

نصبولو السلاح واتكرنف الخيال

قدر الله الحصل و الزمان ميال

منسول من ابوك ماك ود حرام دجال