ضاع صبري........... غناء احمد الطيب

ضاع صبري أين يا وصلي
قلبي بي نار الغرام مصلي
يا عقود آمالي إنفصلي
ما بفيق من النويح أصلي
عقلي بات كل ساعة ينقصلي
و فيك ضاع يا طيبة الأصل ِ
أي دليل و البدر واضح لي
أم دا ديسك محيو فاضح لي
العيون عاد روقي لي وأحلي
كفي رمشك هو المجرح لي
زاد من نار الصدود وجلي
يا معاني الشعر و الزجل ِ
باهي جيدك و الخديد مجلي
تري دا الهلاك في الأعين النجل
ليك نسايم الشوق دوام يسلي
في هواك كم وكم ضائعاً مثلي
ما سليتك وإنت كيف تسلي
صرت ميت والدموع غسلي
مال ليالي الهجر تجمع لي
وديمة يا نيراني تشتعلي
يا بدر بالله أسطع لي
و يا سهيل أرجوك تسمعلي
ترمي محيك في الكفل وتعلي
تفني قامتك وفي الصدير تعلي
يا حمام بالله أسجع لي
ومالو ضايع في الخيال فعلي