اكتب ليك... حلمنتيشي... سجيمان

اكتب ليكي.......
اكتب ليكي واطا...في اتبرا ام دوم
يا الحبك بقى لي متل وجع الضرس
..............................حماني النوم
كجنت حلاوة كرم الله...........
من يوم شفتك يا حلاوة لكوم
انتي اللكوم
اللكوم بالردوم
والردوم مغتغت بالهدوم
والهدوم من غير مكوى
......................
كرعينك الواقفات لمبة
انتي ماشة دوغرررررري
وغيرك البنوت ماشات بالجنبة
يا السُكر المتلمي فوقو النمل
حبك هراني هري ولحمي كمل
.................
الحمامة الزهجانة الراكة في شباك برندتنا
تقوقي وتبصّق....قالت كلو من شفقتنا
شفقتنا القدت مكنتنا
مكنتنا استاندر
مكنتا استاندر
مكنتنا استاندر
......................
امي.... امي... يا الحنانا
امانه امانه
امانة...ما اتلومتي
ليه؟..... تفطسي بايديكي قصة هوانا
تشيلي شنطة الشيلة.....
وتبدليها عن سيد العدة؟......
تبدليها بي حلتين كباااااااااار
ونحن ملاحنا ديمه خُدرا مفروكة
بعتزر لك يا ست هواي
وقت جينا في المُُخادة.... بانت الكوكة