قصة عبدو.......... حلمنتيشي

في الليلة ديك القصة ذاتها بقت عليك

يا عبدو وأدوك الشريط

يوم قولنا ليك أنضم معاها وكلّما
شوف البكون انشاءالله خير

أبيت تسمع كلامنا وبقيت لميض

وقلته أحسن أكون تقيل أنا ما جميل
وباكر بعد باكر بكهربا ليك بي نظرة كتيل

وبقيت تقيل لامن سوك موية الغسيل

يوموجيت تنطط زي زمان كايس في قعر الشجر

كراسي الخيزران ..

وقعدته يا زينة الرجال.. كهربجي قال

رفعوا الستار والبت بقت تمشي وتجي ومرات تقيف

يا زول معاها ولد حريف

والوقفة كانت وقفة ولف

صاحبنا بالاحساس عرف

سألته والناس كلّموك
ملعون ابوك دنيا القدد بقت البقت

وقعته في شارع الزلط

تبكي وتجعّر والعيون اتورّمت

ويد القميص ضهر القميص كم القميص

حتى الفنيلة اتشرّطت

يا عبدو عيب

قوم يلا صلي على الحبيب

الواطه صبحت دايرين ننوم

يا أخوانّا لأ أنا عايز أموت أقع البحر

يا عبدو عيب

الدنيا حر .. والموية بتسخّن عليك

ثلاثة ساعات زولنا يسب ويكيل

ودموعو سايلات بالكفوف

وشرايطو تلمع في الكتوف

بقى فيلسوف

في علاقة بين يوم السبت وعين الحسود؟!

ومقارنات بين الجهل والجمال!!

وسوء الإختيار

قال شينة قال ...!

قال شينة قولنا كلام صحيح

وخطيبها زاتو ولد قبيح

بس ياخي قوم الواطة صبحت دايرين ننوم

قام تاني جاب سيرة البحر

وقام تاني جاب سيرة البحر