حزن العيون بعدك ماقدرت اطيقو يا نورعيني حتي ثواني

كيف عاد العيون مابتبكي
ما دام في الحزن غرقانى
وكيف أقدر أوقف سيلة
ولومك يامناي أعياني
الحزن الحزنته عليك
ما ظنيت تعيدو أغاني
وحبك قدر ما أسعدني
يا أحلام صباي بكاني
ياما قضيته معاكي
ما ظنيت يعيده زماني
ما ظنيت ربوع البادية
تبسم والبلاد محلاني
انت يامولد هواي العذري
وينك أنت من أحزاني
ولا خلاص بعد فرقتنا
كل واحد يلوم التاني
أوعك من تصدقي
أنو بعٌدك أصلو ما هاميني
والله طيفك يا بهية الطلعة
لا خليتو لا خلاني
الناس قالوا ليِ الغالية
في شكواك دوام لا يماني
وماك عارفه العذاب العايشو
و لخبت يا مناي كياني
بعدك ما قدرته اطيقو
يا نور عيني حتي ثواني
من فتيني يا محبوبة
ضايق بي سوداني
غايتوا عزاي في دنياي
طيفك ما نسي ونساني
زادي انا لي عميري الباقي
انك يامناي طاراني