بت البلدليه تزعلي

عدد الرسائل : 115 تاريخ التسجيل : 14/09/2008

لحضة زعل

ما انتي يا املي ومناي

مهجتي وكل القبل

لامن خلاص لامن خلاص

منك اروح وريني ليوين اصل

ماانتي يا زاتي السكون

قبلة رجاي المحتمل

مالي من غيرك دليل

ماعندي من بعدك اهل

حالي العلي شايفهو كيف

مانتي يالداري الحصل

كيفين يطير مكسور جناح

زولن وراك فقد الامل

فتشتا في كل الخلق

ود عيني زيك ماكحل

نجمه ومالقه في مداك

يبعد مدارك زي زحل

يحليل ليالينا الزمان

انا وانتي مابين النخل

يا الساكنه في ضلن رهيف

فوقنا المدين ينقع عسل

تاني الشمال بعدك خلاص

جفا ويبس اصبح محل