كابتن عمر
عدد الرسائل : 115
تاريخ التسجيل : 14/09/2008
 |  موضوع: الحال بيغني عن السؤال  18th سبتمبر 2008, 17:38 | |
|
باكر بجيك قاطع مسافات العشم
شايل معايا هوى العيون وآمالى فى اجمل نغم
باكر بجيك من سكة القلب العشق ذاتك سنين
من صفحة الماضى الكان قاسى وضنين
خيف يكون زيف المدن غير اصالتك والحنين
جاييك من ليل العذاب ارجينى بالصبح المبين
فتينى لليل الطويل يرمينى فى حضن الالم
سبتينى بين شبح الظنون واحزان بتنبع من وهم
ارجينى فوق ارض الصبر جاييك من زمنا سجم
لا فيه للافراح طريق ولافيه للايام طعم
باكر بجيك بلعنة الريد الملك قلبى الجريح
فى حال بيغنى عن السؤال مابيوصفو الخاطر الفصيح
خايف يقصربى العمر تحملنى من الدنيا ريح
لو كان مقدر انى اروح سويلى فى روحك ضريح
سافرتى ماخليتى خيط ابراه للمرسى الجديد
سافرتى ماخليتى لى غير ذكرة الزمن البعيد
علمتى روحى الانشراح علمتى قلبى يحب شديد
فجأة اختفبتى من الدروب واخفيتى كل زمنى السعيد
لكنى لى احساس يسوق خطواتى لاجمل عيون
باكر بتلقى خطاى معاك تتمشى مابين الغصون
ماتقول لى آه وصلت كيف مين دل قلبك يا حنون
انا قلبى اصبح ليك مكان ان ناسية انى انا ليك كون
باكر بينكشف الضباب والقاكى فى فرح الشباب
تقش ايدا مع الفراد وتزيل فى اثر العذاب
بكرة المسافات تجتمع وتلم قلوب يوم عيدا آب
ويعود شباب الفى هواك ياحلوة باحزانه شاب[/CENTER]
| |
|
تباريح الهوى
عدد الرسائل : 648
تاريخ التسجيل : 09/09/2008
| | موضوع: رد: الحال بيغني عن السؤال 18th سبتمبر 2008, 17:51 | |
| القالو ليك عن الفراق انشاء الله يوم ما تشوفو عين
يسكن احساس نبيل خليك كدا | |
|
