عاشق رماهو الحب في دايرة الحرمان

عدد الرسائل : 115 تاريخ التسجيل : 14/09/2008

عاشق رماهو الحب ... في دايرة الحرمان
قال من غرامك تبت ... صد وكفاهو الكان
عد الليالي غلب ... شاف المآسي عيان
دماع وسيلا يكب ... بيها البحر غرقان
في سماهو مافي سحب ... بيها الأفق إزدان
يا حليل وكت بتصب ... وتخدر الوديان
***
الدنيا قالت كر ... من حالو دا الشقيان
وشقاهو جنسو كتر ... ما شافو قبلو انسان
طش وسنينو تمر ... لا مأوى لا عنوان
لا ضوى ليلو بدر ... لا شاف صباح عقبان
لكن حلف ما يتر ... جاييكي مهما كان
جاييكي لايك المر ... من سكة الأحزان
كان انكتبلو عمر ... طاريكي مو قنعان
طاري الليالي الغر ... الفيها كان فرحان
صابر وراكي صبر ... منو الصبر عجزان
يا تكون نهايتو قبر ... يا تملي كل حنان
ويا تضمي بالاحضان