أدخل وساهم للصرح المرتقب

عدد الرسائل : 648 تاريخ التسجيل : 09/09/2008

جميل جدا ان يكون بداخلنا املا نحيا من اجله وما اكثر الاحلام في دواخلنا
ولكن حينما يكون هنالك حلم أكبر وجب ان تكون الهمه اكبر
وبدا لينا ابو شيماء المساهمة وانا معه
بس المطلوب من اي شخص يدخل ويساهم وما بنحدد مبلغ معين
وكل رجائي ان تسلم المبالغ للأخ عبدون ضروري يا شباب
وهسي عندنا البداية ابو شيماء 100 ريال وشخصي 100 ريال
ونكون جادين ونبدا وكل شي بسهل والله قولو آمييييييييين

احييك يا استقنش واخوك مساهم بخ50 ريال لا غير

كل واحد يجي يسجل اسمه عشان نكسب الوقت

كده الشغل ولا بلاش

عدد الرسائل : 115 تاريخ التسجيل : 08/09/2008

احييكم ياثلاثى الشرقية ودحسين واستقنش وحمودي واحي ابو شيماء على التبرع السخى للانجاح هذه المهمة باقرب فرصة ويلا ياناس الرياض تموا الباقى ومافى وقت .كل مرة تطلعوا لينا بحجة

وانا جاهز بمبلغ 50ريال سعودي الله اكبر

يا وش نا س الرياض متين طلعو بحجة انت عايز تذلنا بي خمسين ريالك ده ولا شنو

خلاص ما تساهم بيهو انا بدفعو ليك ...... وانا شخصيا مساهم بي 50 ريال
يلا يا شباب نحن في انتظاركم

وانا 50 ريال

وأنا معااااااااااااااااااكم
بي فيفتية

بس

عندي رأي ..
وحتى لا يُنسب الفضل لغير أهله
اقترح تعديل مسمى المنتدى

يا ود البشير بس فيفتيك دي ما عرفناها فيفتية كبيرة ولا فيفتية صغيرة

وضح ما تخليها عايمة كده وتجهجهنا

عدد الرسائل : 72 تاريخ التسجيل : 28/09/2008

الحبيب عامر سلامات
من الصباح متابع المتداخلين عشان أعرف
الصرح المرتقب لكن فشلت في ذلك .....
لكن مبدئيا مساهم لأن الصرح للخير

لكم مودتي

عدد الرسائل : 115 تاريخ التسجيل : 08/09/2008


يا وش نا س الرياض متين طلعو بحجة انت عايز تذلنا بي خمسين ريالك ده ولا شنو خلاص ما تساهم بيهو انا بدفعو ليك ...... وانا شخصيا مساهم بي 50 ريال يلا يا شباب نحن في انتظاركم

اعوزبالله ذله شنوياكابو ده تشجيع عشان نزيد من حماسكم انت بس ادفع حقك وبعدين يمكن تدوغ وتقع عشان دفعت 50 ريال وربنا يجيب العواقب سليمة

وابو محمد معاكم بففتية كبيرة ويا كابو بطل حركاتك دى انت مالك صغيرة ولا كبيرة عندك غرض

شكراً على أصحاب المبادرة وإن كان هناك عدد من الناس مٌحجم عن المشاركة حتى الآن في المنتدى نقول له يدك مع الجماعة ولا تتقاعس عن الجماعة ويد الله مع الجماعة وكان الله في عون العبد ما دام العبد في عون أخيه .
ويلا بينا نشحذ الهمم ولا نثبط عزائم الناس .

طبعا ياجماعة الموقع من المفترض وحسب المخطط له يقوم من حساب جمعية أبناء الحلة الجديدة ووادي خليل من الألف إلى الياء ، ولكن ........
ولذلك لن نتقاعس عن أي جهد في أي مكان طالما المصلحة العامة للمنطقة وإنسانها هي الغاية فلا بد من المشاركة والمساهمة الفعالة ولا نقول كفاية ساهمنا هنا وهناك ولا ننظر للمتقاعسين ولكن لتكن همتنا عالية كما جاء في الأثر النبوي الكريم (( لو تعلق قلب ابن آدم بالثريا لنالها ))
وهذه مساهمتي معكم بمبلغ بسيط وهو (100 ريال ) . واقترح ولتعميم المشاركة كتابة اعلان كبير على لوحة الإعلانات بالجمعية ووضع ميزانية مبسطة للعمل المطلوب وكتابة اسماء المساهمين إيزاناً بفتح الباب للمشاركة من الجميع (( واعتبار هذا بمثابة تفويض من سكرتارية الجمعية ))
ولكن وحتى نزيح التوجس لدى البعض لا بد من تنظيم المسائل وتحديد الأهداف والمطلوب في أجندة ومشاركة كل المساهمين في طرح الأفكار عليهم قبل التنفيذ حتى يشعر كل مساهم بأنه شخص مرغوب فيه ومطلع على كل ما يجري بل مشارك مشاركة فعالة بالتخطيط المسبق وبالأفكار التي تصب في المصلحة العامة وبالتأكيد فإن رأي ثلاثة أفضل من رأي أثنان ورأي الخمسة أفضل من الأربعة وهكذا .
ونحتاج بالتأكيد لمزيد من الآراء والمشاورات في سيبل تقديم : الأفضل والأمثل والأجمل والأشمل . ودمتم في رعاية الله وحفظه

عدد الرسائل : 65 تاريخ التسجيل : 02/09/2008

كتب ياسر عوض

طبعا ياجماعة الموقع من المفترض وحسب المخطط له يقوم من حساب جمعية أبناء الحلة الجديدة ووادي خليل من الألف إلى الياء ، ولكن ......... طبعاً أخ ياسر عوض مازل للجمعية دور كبيره تلعبه من البداية وحتى الآن وخطوه بخطوه فقط رحيلك من الجمعية جعل المتابعة منك ضعيفة وخلال الأيام القليلة القادمة سوف ترى المنتدى بثوب جديد

نرجو من الجميع المساهمة

بيان بالمساهمات المقدمة حتى الآن :
م الاسم المساهمة ملاحظات
1 السر عنتر 100 ريال
2 عامر محمد حسين 100 ريال
3 عبد الكريم حسين 50 ريال
4 محمد حسن أحمد 50 ريال
5 معاوية محمد عباس حمد 50 ريال
6 غانم قرشي تركمان 50 ريال
7 أحمد حسن صالح ستحدد المساهمة لاحقاً
8 هاشم عبد اللطيف ستحدد المساهمة لاحقاً
9 عبد الحليم حسين ستحدد المساهمة لاحقاً
10 ياسر عوض محمد 100 ريال
11
12
13
14
15
أهم شي خبرونا عاوزين تعملوا شنو !!! وحتودا القروش دي وين !!!

عدد الرسائل : 648 تاريخ التسجيل : 09/09/2008

يا شباب بصراحة خطوات عرجاء ونأمل أن نخطو أسرع
الأخ ياسر عوض في ناس ما شاركو امكن فاهمين عملنا
دا لعب وعلي راحتهم أخير من يجو مجاملة
ابو لطيف الصرح المقصود هو الموقع المرتقب
اها داخل بي بكم بعد وريتك

عدد الرسائل : 648 تاريخ التسجيل : 09/09/2008

وما نيل المطالع بالتمني يا شباب البحصل دليل لشي
مش جميل لو بدينا الموقع بصورته الموسعة ببقى
بس ما بكون فيه مميزات مطلوبة عشان كدا شدو الحيل
ودمتم

استاذ استقنش الدعم وصل وين والناس مالا نامت

اول شى اسف كتير يا اخ ياسر على الرد المتاخر
سوالك زي ماقلت حتودو القرووش دي ووين ؟؟؟؟
اول شى انشاء الله سوف يتم الاتفق مع شركة استضافة يعني استضافة الموقع فى سيرفر خاص بالشركة لمدة سنتين والشي الثاني التصميم وتركيب تصميم للمنتدي يعنى القروش ماشه فى حتتين
اولا الاستضافة : وهي تكلف تقريبا فى السنة الواحدة 200 ريال

ثانيا التصميم ومساحة المنتدي : وده بيتحدد على حسب امكانياتكم المادية يعنى بعد ما تشووف المبالغ المحصلة
وانشاء الله نكون على حسن ظن الجميع
ولو فى اى استفسار قبل ما نبداء اي شي ياريت يكون هسع
واذكر الاتفاق مع الشركة حيكون مع بداية شهر 11 علشان كده ارجو من كافة الاعضاء الاسراع فى المساهمه
ودمتم

عدد الرسائل : 72 تاريخ التسجيل : 28/09/2008

تباريح الهوى كتب:: يا شباب بصراحة خطوات عرجاء ونأمل أن نخطو أسرع
الأخ ياسر عوض في ناس ما شاركو امكن فاهمين عملنا
دا لعب وعلي راحتهم أخير من يجو مجاملة
ابو لطيف الصرح المقصود هو الموقع المرتقب
اها داخل بي بكم بعد وريتك

الحبيب عـامـرنا ..... كما يحلـو لأبو أمين أن يناديك
أن يأتي مجاملــة خير من ألا يأتي ..
وأنا كان تخليني في الآخر كان حأدخل بمجموع ما دخل به الإخوة
لكن ما دام دايرني أحدد بدخل بمربوطة ..... أها شـنو ليـك .
لك مودتي

عدد الرسائل : 648 تاريخ التسجيل : 09/09/2008

[ الحبيب عـامـرنا ..... كما يحلـو لأبو أمين أن يناديك
أن يأتي مجاملــة خير من ألا يأتي ..

اخي ابو لطيف الشي ما مقتنع بيه وتجيهو مجاملة ما اظن بكون مجدي
زي البتجيه بقناعة .. طيب سرك شنو يجي مجاملة
تاني قلت مربوطة انا بقول ليك باص ... وحتى لو مفكوفكة منك مقبولة

عدد الرسائل : 72 تاريخ التسجيل : 28/09/2008

تباريح الهوى كتب:: [ الحبيب عـامـرنا ..... كما يحلـو لأبو أمين أن يناديك
أن يأتي مجاملــة خير من ألا يأتي ..

اخي ابو لطيف الشي ما مقتنع بيه وتجيهو مجاملة ما اظن بكون مجدي
زي البتجيه بقناعة .. طيب سرك شنو يجي مجاملة
تاني قلت مربوطة انا بقول ليك باص ... وحتى لو مفكوفكة منك مقبولة

حبيبي عامر .... سلامات
أن يأتي أولا ولو مجاملة لواحد من السمحين ديل
أها بعد داك يقتنع ويقعد معانا ويكون أحسن مننا .

خلاص اعتمد المربوطة