ياعمو لا
البت بكت البت شكت قالت ابيت
الأم حلفت تحججه وغشيت ابوها اديتو بيت
بيتك انيق عربية بيجو ومرسديس
قايل العرس حزمة قروش
قايل الفساتين والتياب
قايل الزخارف والنقوش
كل السعادة في الزواج الريدة بس
والباقي في حكم الرتوش
ياعمو لا .. ياعمو لا .. ياعمو لا
ياعمو بتك قدرها ويمكن تكون اكبر كمأن
ياعمو بعد الشيب تعب ..
ناس الرطوبة في العضام والسكري العشرين صليب
ياعمو كملت السمك داير كمان تشرب حليب ؟
ياعمو لا..
بالله حتقول شنو لمن تجيك وتكلمها
حتقول أقة اللحم السمين بقت بيقرش!!!
والويكة مفروشة في السودان بالبرش!!!
عقلك يعود للماضي تمنين سنة..
يخرب مشاعر خدرا دوب يشقي البنية يألمها
وخليك كمان يادون جوان عمر الشريف
خليك ظريف
جايز تعيش معاك زي راهبة في دير
وجايز تخونك ياعوير
ياعمو داير تبقى جوز ؟
امشي الحديقة بتلقى حاجة بتشبهك قدامه موز
شمبانزي لاكن ما عجوز بتعجبنا ليك وبندورا ليك
ياعمو داير تهج احسن تحج
كتر صلاتك والصيام ومن سجودك والقيام
واعرف تمام عرس الصغير من الحمام اكبر حرام
موضوع: ياعمو لأ 
19th أكتوبر 2008, 00:27