هناك فى الغربة ... ما فى كلام
تسكت ساااااكت
وتخلى اقامتك هى بس تتكلم
وانت تعصر قليبك وببشيش تتألم
وتنظف نخرتك تماااااااااااااااااااااام
لانه بعد اليوم !!بيها بس حتسلم
وتشترى ليك منبه!!
جرسه جرس كنيسة... مااا بيكذب
مع الفجرية يبدء يكورك يجقلب
تقوم مخلوع!! من السرير وتلب
تخش فى قميص مقلوب
وبنطلونك مرة بالشقلوب
ده حال الغربة ياحبان
ولسه كمان
هناك حاجات ومحتاجات عاوزه بيان
زى كيس اللبتون الغرقان
وجك عصير مشكل تقول عرقان
وحمص تقول شرقان
وبالتلفون تكلم الدكان
يجيك هندى او يمكن يكون بتان
ومرات ننبهل مشى نزور كنتاكى
وما ادراك ما كنتاكى
جدادة حيه بتكاكى
وسلطة المايونيز
ااااه انا من سلطة المايونيز
تخم تلهط بدون تمييز
والخلطة جاهزة والموية جات
غلفا وجيما وكمان العين
صحى والله دى عين
ويا خان تعال وكمان صبر
وفى السوف هناك حاجات جمر
تمشى وراها تضيع ويضيع عمر
وناس ماشيين
وناس جاريين
وناس طايريين ومنتظريين
ومديونيين وسلفيات
وشيكات طايرة لعربيات
وشيكات راكة تجيب فى بنات
وشيكات ماشة تجيب بلاغات
والشرطة تجيك
اصلو يا الحبيب يوم ما جيت عملت الربه
والليلة بالشيك الطاير راح تتربى
ودى الغربة يا حبان
تخلى الناس تدوس فى الناس
موضوع: كنتاكي وعصير صمون 
19th أكتوبر 2008, 00:35