للعــــزابــــــــــــــــة
أقول ليكم ليك نصيحه
أحذروا جيرة العزابه
أهل الضمنه والكتشينه
ديل أهل الطباع الشينه
ليهم مره نحن مشينا
لا إتغدينا لا إتعشينا
لو وقعت ما بتنحل
حتي إن كان بقيت ذي بله
ديل ناس في أي محله
نص الليل بشدو الحله
يعبو البيت ذي الباخره
ما بعرفو السراير الفاخره
دفاتر الكل عليهم ساخره
أصلو خلاص بقت دين آخره
يخلو البيت مبشتن ديمه
يدخّلو فيهو عده قديمه
كمان لو فيهو شجرة نيمه
يكون وسخان و حالتو أليمه
الملايه ما مفروشه
و جوه الأوضه قامت كوشه
ست البيت تكورك فيهم
ديل يا أخواننا ضربوا قروشها
زحمه شديد في الشماعه
ريحه كريهه في البلاعه
ديل في الحله عملوا مجاعه
شفطو قدرة الفول في نص ساعه
ضد العرس رفعوا الرايه
ديل إنحلوا من الدايه
لا تطعيم كمان و لا رعايه
ما في كرامه و لا في سمايه
موضوع: حلمنتيش للعزابة 
19th أكتوبر 2008, 00:48
