استعداد فريقنا للسفر الى الخبر

يستعد فريق الجمعية الى السفر الى الخبر لاجراء مبارة كبيرة مع فريق عريق يلعب فى رابطة الخبر بدعوة من السيد الرئس الاخ احمد خيرى وعلى حسب معلوماتى حدد موعد المبارة يوم الخميس الموافق 13.11.2008 الشهر القادم ونرجو من الجميع المشاركة وتجهيز الفريق على احسن مستوى وسيبا الفريق اولى تمارينه يوم الخميس وعلى الجميع الحضور وبالتنسيق مع الاخ غانم سنقوم بدعوة شخصيات لمرافقة الفريق الى السفر الى الخبر وسنقوم بتشكيل لجنة مسئولة بكافة الترتيبات والله ولى التوفيق

تنويه

الخميس الاول من الشهر القادم حنة الوجيه العريس احمد حسن صالح بدار جمعية الحلة الجديدة ونقول لعريسنا مبرووووووك مقدما وانشاء بيت مال وعيال ولك منا شباب الجمعية كل الحب والتقدير ِِ

عدد الرسائل : 24 تاريخ التسجيل : 19/10/2008

حبيبنا ( حلوم )

ربنا يتمم علي خير وأتمني من الله

إنكم ماتفشلوا ناااس الجمعية زي ما المريخاب ( المرخرخين )

فشلوا الجماعة ...

تمنياتنا مستقبلاً برحلة آمنة إلي مدينة الدمام وحصد نقطة المباراة

تخريمة ...

أسمع بتقبلوا محترفين ( أجانب ) ولا زيتكم في بيتكم

انشاء الله تكون رحلة موفقة باذن الله

طبعا ياحلوم نحنا ماشفنا اى استعداد كلام ساكت حنعمل وحنسوى تعرف نحنا ياحليم بنطبق علينا المقولة البتقول حشاش بى دقنو ودى عندنا هناك فى البلد تلقى الواحد زرع قمح ولما يجى وقت الحصاد يقيف وسط القمح ويأشر بى دقنو(حنكو) يقول بكرة حأحش القمح من هنا لغاية هنااااااك وبعد بكرة من هناك لغاية بهنااااك وهو شغال بى دقنو كدا المغرب يأزن يجى بكرة نفس البرنامج هنا وهناك وبهناك وهكذا دواليك الى موعد السفر للشرقية ونجى من هناك ونحنا نحمل اول هزيمة خارجية وطبعا حتقولو الغرض من المباراة مالفوز طيب مالو نحن نعمل العلينا ونعد نفسنا ونقدم كورة حلوة ان غلبنا خير وبركة وان اتغلبنا نقول لعبنا واتغلبنا ...يلا ياشباب شدو حيلكم شوية نحدد موعد واقترح ان يكون اليوم بعد وجبة العشاء (طبعا الاجتماع كان مفروض امبارح ..لكن وين مع ناس حشاش بى دقنو) المهم نقعد ونوزع المهام ونشوف النقاط الاساسية ياغانم وكابو وكرنقو وفييرا وحليم وعلم

رحلة موفقه ابعد الله عنكم شر الهزائم

تانغو كتب:: طبعا ياحلوم نحنا ماشفنا اى استعداد كلام ساكت حنعمل وحنسوى تعرف نحنا ياحليم بنطبق علينا المقولة البتقول حشاش بى دقنو ودى عندنا هناك فى البلد تلقى الواحد زرع قمح ولما يجى وقت الحصاد يقيف وسط القمح ويأشر بى دقنو(حنكو) يقول بكرة حأحش القمح من هنا لغاية هنااااااك وبعد بكرة من هناك لغاية بهنااااك وهو شغال بى دقنو كدا المغرب يأزن يجى بكرة نفس البرنامج هنا وهناك وبهناك وهكذا دواليك الى موعد السفر للشرقية ونجى من هناك ونحنا نحمل اول هزيمة خارجية وطبعا حتقولو الغرض من المباراة مالفوز طيب مالو نحن نعمل العلينا ونعد نفسنا ونقدم كورة حلوة ان غلبنا خير وبركة وان اتغلبنا نقول لعبنا واتغلبنا ...يلا ياشباب شدو حيلكم شوية نحدد موعد واقترح ان يكون اليوم بعد وجبة العشاء (طبعا الاجتماع كان مفروض امبارح ..لكن وين مع ناس حشاش بى دقنو) المهم نقعد ونوزع المهام ونشوف النقاط الاساسية ياغانم وكابو وكرنقو وفييرا وحليم وعلم

كلامك كلو فى محلو ولابد من الترتيب والتنسيق والا حنفشل من مقذى الرحلة نفسها وانا جاهز ونرجو الحرص على حضور اجتماع اليوم

يا حلوم المفروض الاجتماع كان يوم امس بس انت ما لقيناك .... حنحاول نربطك اليوم عشان تقعد ونجتمع وحنبدا الاستعداد القوي من تمرين الخميس

بالتوفيق

يجب أن يكون تمرين الخميس بداية الإعداد :
أولاً : التمرين بالخانات من البداية من حارس المرمي والاحتياطي
ثانياً : من يلعب دفاع في التمرين سيلعب في المباراة وكذلك وسط الميدان والهجوم و الأفضل أداءً في التمرين سيلعب في المباراة بدون مجاملة .
ثالثاً : مستوى اللياقة لدى بعض اللاعبين تعبان جداً وواضح عشان كدا لا داعي للمجاملات وأمسكوا الخشب
رابعاً : أهم شي تخطيط السفر وتكاليفه يعني من الأن يتم تعيين رئيس للبعثة وإداري محاسب يلم الفلوس. مع أمنياتنا للفريق بالتوفيق؛؛؛