تباريح الهوى
عدد الرسائل : 648
تاريخ التسجيل : 09/09/2008
 |  موضوع: بهـــــــــواك  10th سبتمبر 2008, 18:36 | |
| بهواك ...
قدر ما تمد ريدة الشمس ايديها ليك
واهواك مدائن من جمال تدهش عصافير
واطير أحلم أراك ما بين عينيك
يا بت بحيرة وطرف ناعس وقوس قزح
يا بت حديقة بتغرس الريد في الضفاف
تهديني أكوان من مرح عيد من فرح
زغرودة لي يوم الزفاف
بهواك بي لون مختلف ما شفت قبلك إختلاف
أديني رقاق من ولف أديك عوالم إئتلاف
يابهجة يا نور يا عفاف
يا همسة لامست الشغاف
يا موجة تتحدى الجفاف
يا ضحكة بتهدّي الفؤاد
تقفل شبابيك العناد
تفتح مدائن إعتماد
وكتين تطل تظهر سعاد
والغيمة بتناجي الشمس
وانا من امس بحس بيكي واسافر
في عيونك وما ...... ما بدس ! | |
|
كابتن عمر
عدد الرسائل : 115
تاريخ التسجيل : 14/09/2008
| | موضوع: رد: بهـــــــــواك 20th سبتمبر 2008, 17:35 | |
| انت دغدغت المشاعر فينا حية انت السويتو فينا ما شوية
اروع من رائع يا تباريح الهوي | |
|
