امونة .............. غناء ابو عركي البخيت

كل البنات 000أمونه ياخرطوم
معاي ساعة أفتح الدكان00
معاي ساعة الدرب بالليل
معاي في البص00علي أم درمان
وفي الكوبري الكبير000في الليل
أعاين في البحر00مهموم
ألاقي وجيها000شاقي النيل
وفي ساعة التعب والخوف
تشيل خطواتي00وأمشي عديل
*
دحين خاتي 00أكان يا يُمه00
صبحت نفسي ساعة الكتمه 00
من ضيق الزمن000والناس
وألقي دمي يفور00
تمد إيدينا 00تمسح00
في العصب والراس
أمانه كلاما00كان رفرف
وكت ساعة الدرس00ياخوي
يطير قلمي00
ويزغرد سنـّو في الكراس