مراكب الشوق ..ك. محمد الحسن.. الموسيقار ود الامين

شايلك معاي و ادفى بطيبة العيون
وكتين أسير مشوار براي
و اتاتي زي رمشاً حزين بكى الصباح
واتمسى بحزنو المساء
وابقى الوحيد
زي بلبل فقد الجناح هاجر جناه على الصقيع كاس لبوادي مِشمِسة
وارحل شواطئ الغربة مغلوب بالرياح وانحت حروف فوق الصخور و اتحسسا
وابعث غناي مع كل آها و كل زفرة وكل ضحكة مونسة
شان تمشي لعيونك تعيش وتونسا

واتخيلك وكتين اشوف أُماً تهبب لعروس وقت الزفاف و ترقصا
وارحل بعيد فوق شعرها زي مركب نشوان مشى فوق موج و شلالات
و آخر المطاف فوق شط حنان مهجور زمن راح واتنسى
وزي ريس الساري الغريب غالَب ليالي الشوق على الساري إتكى
ورش الدموع برعشة الغيم البكى
ودس الانين فتق جراحات الحنين في الغربة باسة و وَشوَشا
واتذكرك وكتين اشوف لارنجة تتحدى الرياح عِز السموم صدر الشتاء
وتمد غلالها على الهجير تفرح ....تفرِح الرياح و توسوِسا