بدلا من الدوم والنبق ولالوب ( مهند ونور )

كان أطفال المدارس وبمختلف أعمارهم يعودون إلى البيوت بعد انتهاء الزمن الدراسي وبأيديهم شيء من الدوم أو النبق « أو القونقليز»، ثم تطور الأمر في زمن لاحق وأصبح التلاميذ يعودون من بيوتهم وبأيديهم «الآيسكريم» أو «البطل» أي «الشبسي» وأنواع أخرى من البسكويتات والحلويات، وفي الحالتين أو الجيلين قلما يعود الطالب أو الطالبة وبيده مجلة أو كتاب ثقافي..!
في هذه الأيام يقول عدد من الآباء والأمهات أن أولادهم وبناتهم يعودون من المدارس آخر النهار وبأيديهم صور فوتغرافية مشتراة «لمهند ونور» بطلي المسلسل التركي المشهور، ويتساوى في حمل الصورتين وشرائها طلاب وطالبات مراحل الأساس مع طلاب الثانويات وربما الجامعات..!
كان الموبايل قد دخل المدارس بأيدي الطلاب والطالبات من سن الثامنة وما بعدها، هذه الظاهرة المنتشرة غالباً في المدارس التجارية وطلابها في الغالب من أبناء الطبقة الوسطى الجديدة أو المغتربين، وهي ظاهرة تقود إلى حدوث سرقات في المدارس وتوفير «حق الفطور» لشراء اسكراتشات وشحن الموبايل..!
لماذا تسكت قيادات وإدارات هذه المدارس عن ظاهرتي «الموبايلات وصور نور ومهند» وغير ذلك من الظواهر غير الايجابية والتي ستحدث خللاً كبيراً في مكونات الجيل القادم الذي سيرث هذا السودان العظيم..!
-------
المصدر :الوطن

عدد الرسائل : 115 تاريخ التسجيل : 08/09/2008

بصراحة موضوعك فى الصميم بس احب اضيق انو القنوات بقت تأثر فى البيوت السودانية ياحليل زمن الدوم والنبق المجتمعات السودانية على الدنيا السلام بقت الجامعات الونسة فيها الفنان تامر وهلوما جرا وياسوسو ويامهند ماشفت الفلم امس كان فظيع وفى يد كل واحد الايسكريم و الشيبسى زي ماقلت . تانى مافى سندوشات فول ولا فته بوش ولاقعدت ضل الشجرة فى الجامعات .
حتى الاسماء اتغيرت من محمد وطارق وفاطمة وخديحة و طبعا كل الجوالات صور فنانين عرب واغانى غربية حتى الاغانى السودانية بقت ماعندها اى دور فى الزوق السودانى لانوكل يوم فى فنان جديد اصلا حيسمعوا لي منو
كان فى واحد هنا فى السعودية بيقلب فى القنوات السودانية ولقى فيها فنانين وفنانات جدد ومداحين اتحير وقال يمكن امى كمان بقت فنانة
نرجع لموضوعنا الجوالات فى الجامعات البت لازم تشيل احسن من جوال صحبتها وباى طريقة حتى فى المدارس والروضة ورسل البلوتوث وصورة ....................... الخ
وماننسى نسبة الطلاق المتفشى فى مجتمعاتنا بسبب المسلسلات والبت بقت المسئولة فى البيت تزوج زي ماعايزة وتطلق زي ماعايزة
وانواع اللبس بالنسبة للبنات البنطلون والملابس الضيقة والشفافة اما الاولاد فى طريقة الحلاقة واللبس الغربي وفى النهاية بنقول الله يعينا
ودة عصر العلومة زى ما بيقلوا وربنا يحفظنا

الموضوع جميل وهادف جدا بس
مابقت مشكلة السودان بس الدنيا كلها بتعانى من مهند ونور الله يجازى الى كان السبب