ارض الحبيب ... ك مبارك المغربي .. الطيب عبد الله

يا أرض الحبيب .... كم لي فيك غرام
هابي علي طيب .... من ذكراك دوام
***
أطراك لو أبين ... كل صباح جديد
كم لي فيك شجون ... كل ما بقيت بعيد
حبك لي دين ..... قربك لي عيد
عاشقاك ما بخون.... غيرك ما بريد
وين زرق العيون .... للعينيه سود
***
كم لي فيك مراح ... يا أرض الحبيب
حنك لي لاح ... شفته قريب قريب
شفتو في نور الصباح.... شفتو في سر المغيب
شفتو و الغيد في الوشاح ... لاهية تلعب بالقلوب
شفتو في اللهو المباح .... شفتو في الشط الرحيب
****
يا مهد الجمال ... ما حبيت سواك
أيه بحر الشمال ... و انت النيل حداك
صافي يفيض زلال ... عندو جلس ملاك
في حسنه الهلال ... في سحرو الهلاك
شوقي اليكا طال ... قولي متين أراك